Type Here to Get Search Results !

what is Service Delivery Management Information | सेवा वितरण व्यवस्थापन भनेकाे के हाे ?

 Service Delivery Management सेवा वितरण व्यवस्थापन

Service Delivery Management Information

परिचय

सामान्य अर्थमा ग्राहक भन्नाले वस्तु वा सेवा खरिद गर्ने पक्षलाई बुझिन्छ । पहिले पहिले ग्राहकलाई केवल उपभोगकर्ताको रुपमा मात्र हेरिने हुँदा उसले त्यसबाट सन्तुष्टि पाए नपाएकोमा ध्यान दिइँदैनथ्यो । तर आज भोली ग्राहकलाई विस्तृत अर्थमा हेर्ने गरिन्छ । जस अनुसार ग्राहकले वस्तु वा सेवा उपभोग गर्ने र त्यसबाट अधिकतम सन्तुष्टि प्राप्त गर्ने कुरासँग सम्बन्धित भएको पाइन्छ । अहिले ग्राहक शब्द यति व्यापक भई सक्यो कि सबै प्रकारका सेवा ग्राहीहरुलाई पनि ग्राहक नै मान्ने गरिएको छ । उदाहरणका लागि आम जनताहरु जसलाई नागरिक वा सेवा ग्राही भनिन्छ, यिनीहरुलाई सरकारको तर्फबाट सन्तुष्टि ग्राहकको रुपमा हेरिनु पर्दछ । यसै कारण अहिले सरकारले आफ्ना जनताहरुलाई मुस्कान सहितको सेवा उपलब्ध गराउने, नागरिक वडापत्र राखेर सेवा दिने गरेको समेत पाइन्छ । यसैगरी अस्पतालको लागि विरामहरु, कार्यालयहरुको लागि सेवाग्राही, शिक्षण संस्थाका लागि सम्बद्घ पक्षहरु सबैलाई ग्राहकको रुपमा हेरिनु र व्यवहार गर्नुपर्दछ भन्ने मान्यता राख्ने गरिएको पाइन्छ ।

आज भोली ग्राहक सम्बन्ध व्यवस्थापन कुनै पनि संगठनको महत्त्वपूर्ण कार्य मध्ये एक हो । अहिले ग्राहकहरुको आवश्यक व्यवस्थापनबाट नै प्रतिस्पर्धात्मक बजार रणनिति सफल गरि संस्थागत उद्देश्य हासिल गर्न सकिन्छ । अर्थात कुनै समयमा सेवा लिन ग्राहकहरु आफै खोजी खोजी संस्थामा आउने अवस्था थियो भने अहिलेको प्रतिस्पर्धात्मक अवस्थामा संस्थाको उद्देश्य हासिल हुने कार्य ग्राहकको सन्तुष्टिसँग सोझै सम्बन्धित छ भन्दा अत्युक्ति नहोला । ग्राहकका बारेमा केही भनाईहरु निम्न अनुसार छन् ।

"A customer is the most important person in any business."

"A customer is not dependent on us but we are dependent on them."

"A customer is part of our business, not an outsiders."

"A customer is a person who comes to us with his need and his

 wants, it is our job to serve them"

"A customer is a life blood of every business."

यसरी ग्राहकहरुलाई कुनै पनि व्यवसायमा अत्यन्त महत्व र उच्च प्राथमिकतासाथ केन्द्रविन्दुमा राखिएको हुन्छ । अहिलेको प्रतिस्पर्धात्मक समयमा उचित ग्राहक व्यवस्थापनबाट मात्र कुनै पनि संस्थाको दिगो आधार सुनिश्चित गर्न सकिन्छ ।

ग्राहक व्यवस्थापनका उपायहरु

ग्राहक व्यवस्थापन भन्नाले कुनै पनि बैक वा व्यवसायको सही ग्राहकहरुको छनौट गरी उसको रुची चाहना र आवश्यकता अनुसारको व्यवहार पहिचान गरी पूर्ण सन्तुष्टीको अवस्थामा रहने तथा वस्तु वा सेवाको विक्री गरी उसलाई विक्री पछिको सेवा प्रदान गर्नेसम्मका क्रियाकलापहरु पर्दछन । यसका लागि पूर्ण व्यवस्थापन अर्थात उत्तम व्यवस्थापनको आवश्यकता पर्दछ । जसलाई निम्नानुसार उल्लेख गर्न सकिन्छ ।

Perfect Management


P = Polite                             Manage = To manage

E = Efficient                        Men = By men (staff)

R = Respectful                    T = With Tactfully

F = Friendly

E = Enthausiastic

C = Cheerful

T = Team work


तसर्थ आफ्नो संस्थामा भित्र प्रवेश गर्ने कुनै पनि ग्राहकहरुलाई हामीले सम्पूर्ण र चलाखी पूर्ण रुपमा पहिलो प्रभावलाइ उत्तम बनाउन उत्तम व्यवस्थापन लाई ध्यान दिन सक्छौँ । वास्तवमा ग्राहकको व्यवस्थापन गर्नेका लागि सर्वप्रथम ग्राहक व्यवहारलाई असर पार्ने तत्वहरुको बारेमा सुक्ष्म रुपले जानकारी राख्नुपर्ने हुन्छ ।